Ek Paigaam Zindagi Ka

Pal do pal Ki hai ye zindagi humari

Kyu taklif me isko dafnaya jaye

Hasi Khushi masti me jiye hum ise

Jane kis pal maut ka paigaam aa jaye

Na janam par Kisi ka niyantran raha hai

Na maut par Kisi ka hukumat chala hai

Bhavishya kisine nahi dekha fir bhi na Jane

kis baat ka logo ko itna ghamand chada hai

Na Jane humne kitno ko rulaya hoga

Na Jane hume kitno ne rulaya hoga.....

Maafi mangne se koi chota nahi Hua hai

Maaf kar dene se nahi koi bada ho gaya hai...

Jo chod kar Gaye unhe bhool jao

Jo aaye hai zindagi me unhe gale lagao

Jisne jo boya, waisa hi paya hai

Hum insano ka hamesha se ye hi husool raha hai

Toh aao is zindagi ko dil khol kar jiye hum

Zindagi ke ghamo ko pee kar khul kar muskuraye hum

Agar pyaar se dushmani ko bhi mitaya ja sakta hai

Toh ek choti si muskaan se rothon ko bhi hasaye ja sakta hai

Suna tha Khushi baatne se Khushi milti hai

Baat kar dekha toh samajme aya ki sach hai

Toh Kyu na Khushi baat kar hi zindagi ka maza liya jaye yaaron..

Jane kis pal maut ka paigaam aa jaye...